Nadoman Bulan Mulud

 ᮘᮥᮜᮔ᮪ ᮙᮥᮜᮥᮓ᮪ 

(Bulan Mulud)

ᮘᮥᮜᮔ᮪ ᮙᮥᮜᮥᮓ᮪ ᮘᮥᮜᮔ᮪ ᮊᮨᮜᮠᮤᮛᮔ᮪ ᮔᮘᮤ

Bulan Mulud bulan kelahiran Nabi

ᮘᮥᮜᮔ᮪ ᮙᮥᮜᮥᮓ᮪ ᮘᮥᮜᮔ᮪ ᮊᮨᮜᮠᮤᮛᮔ᮪ ᮔᮘᮤ

Bulan Mulud bulan kelahiran Nabi

ᮔᮘᮤ ᮘᮨᮞᮁ ᮃᮠᮤᮁ ᮕᮨᮞᮥᮛᮥᮂ ᮄᮜᮠᮤ

Nabi besar ahir pesuruh Ilahi

ᮔᮘᮤ ᮘᮨᮞᮁ ᮃᮠᮤᮁ ᮕᮨᮞᮥᮛᮥᮂ ᮄᮜᮠᮤ

Nabi besar ahir pesuruh Ilahi

 

ᮕᮨᮙ᮪ᮘᮍᮥᮔ᮪ ᮓᮔ᮪ ᮕᮨᮍᮔ᮪ᮏᮥᮁ ᮃᮜ᮪-ᮄᮞᮣᮙ᮪

Pembangun dan penganjur al-Islam

ᮕᮨᮙ᮪ᮘᮍᮥᮔ᮪ ᮓᮔ᮪ ᮕᮨᮍᮔ᮪ᮏᮥᮁ ᮃᮜ᮪-ᮄᮞᮣᮙ᮪

Pembangun dan penganjur al-islam

ᮛᮂᮙᮒ᮪ ᮘᮌᮤ ᮅᮙᮒ᮪ ᮓᮤ ᮞᮨᮜᮥᮛᮥᮂ ᮃᮜᮙ᮪

Rahmat bagi umat di seluruh alam

ᮛᮂᮙᮒ᮪ ᮘᮌᮤ ᮅᮙᮒ᮪ ᮓᮤ ᮞᮨᮜᮥᮛᮥᮂ ᮃᮜᮙ᮪

Rahmat bagi umat di seluruh alam

 

ᮠᮄ ᮅᮙᮒ᮪ ᮄᮞᮣᮙ᮪ ᮘᮍᮥᮔ᮪ ᮓᮔ᮪ ᮞᮓᮁ

Hai umat islam bangun dan sadar

ᮃᮊᮔ᮪ ᮕᮤᮙ᮪ᮕᮤᮔᮔ᮪ ᮔᮘᮤᮙᮥ

Akan pimpinan Nabimu

ᮠᮄ ᮅᮙᮒ᮪ ᮄᮞᮣᮙ᮪ ᮘᮍᮥᮔ᮪ ᮓᮔ᮪ ᮞᮓᮁ

Hai umat islam bangun dan sadar

ᮙᮨᮔ᮪ᮏᮨᮏᮊ᮪ ᮜᮀᮊᮂ ᮔᮘᮤᮙᮥ

Menjejak langkah Nabimu

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮕᮢᮤᮘᮓᮤ)

Dicutat tina buku catetan pangajian pribadi

 

Baca Selengkapnya

Pupujian Sunda Kakuping Suanten Adan

    ᮊᮊᮥᮕᮤᮀ ᮞᮥᮃᮔ᮪ᮒᮨᮔ᮪ ᮃᮓᮔ᮪ 

(Kakuping Suanten Adan)

ᮊᮊᮥᮕᮤᮀ ᮞᮥᮃᮔ᮪ᮒᮨᮔ᮪ ᮃᮓᮔ᮪,

Kakuping suanten adan,

ᮓᮤ ᮙᮞ᮪ᮏᮤᮓ᮪ ᮒᮤ ᮊᮒᮨᮘᮤᮠᮔ᮪,

Di masjid ti katebihan,

ᮞᮤᮀᮠᮧᮛᮦᮀ ᮒᮦᮂ ᮍᮝᮁᮒᮧᮞᮔ᮪,

sihoréng téh ngawartosan,

ᮍᮏᮊ᮪ ᮞᮧᮜᮒ᮪ ᮘᮘᮛᮨᮍᮔ᮪.

ngajak solat babarengan. 

 

ᮅᮜᮂ ᮞᮧᮊ᮪ ᮞᮧᮜᮒ᮪ ᮓᮤ ᮄᮙᮂ,

Ulah sok solat di imah,

ᮞᮜᮌᮤ ᮃᮚ ᮙᮞ᮪ᮏᮤᮓ᮪ ᮙᮂ,

salagi aya masjid mah,

ᮕᮢᮤᮘᮥᮙᮤ ᮃᮒᮝ ᮞᮦᮙᮂ,

Pribadi atawa sémah,

ᮠᮚᮥ ᮅᮛᮀ ᮘᮨᮁᮏᮙ’ᮃᮂ.

Hayu urang berjama'ah. 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮕᮍᮏᮤᮃᮔ᮪ ᮊᮧᮜᮦᮊ᮪ᮞᮤ ᮕᮢᮤᮘᮓᮤ)

Dicutat tina buku pangajian koléksi pribadi.

Baca Selengkapnya

Pupujian Sunda Sarat Nyiar Élmu

 ᮞᮛᮒ᮪ ᮑᮤᮃᮁ ᮆᮜ᮪ᮙᮥ 

(Sarat Nyiar Élmu)

ᮠᮚᮥ ᮘᮒᮥᮁ – ᮠᮚᮥ ᮘᮒᮥᮁ ᮅᮛᮀ ᮞᮥᮠᮥᮓ᮪ ᮓᮤᮃᮜᮏᮁ,

Hayu batur hayu batur urang suhud dialajar,

ᮠᮚᮥ ᮘᮒᮥᮁ – ᮠᮚᮥ ᮘᮒᮥᮁ, ᮅᮛᮀ ᮞᮥᮠᮥᮓ᮪ ᮓᮤᮃᮜᮏᮁ.

hayu batur - hayu batur urang suhud dialajar,

ᮕᮤᮝᮥᮛᮥᮊ᮪ ᮌᮥᮛᮥ ᮓᮍᮥᮊᮩᮔ᮪, ᮕᮤᮝᮛᮀᮔ ᮜᮊ᮪ᮞᮔᮊᮩᮔ᮪,

Piwuruk guru dangukeun, piwangna laksanakeun,

ᮕᮤᮝᮥᮛᮥᮊ᮪ ᮌᮥᮛᮥ ᮓᮍᮥᮊᮩᮔ᮪, ᮕᮤᮝᮛᮀᮔ ᮜᮊ᮪ᮞᮔᮊᮩᮔ᮪.

Piwuruk guru dangukeun, piwarangna laksanakeun.

 

ᮕᮤᮔ᮪ᮒᮨᮁ ᮙᮂ ᮞᮔᮦᮞ᮪ ᮊᮩᮁ ᮘᮒᮥᮁ, ᮕᮤᮊᮩᮔ᮪ ᮏᮜ᮪ᮙ ᮃᮔᮥ ᮏᮥᮏᮥᮁ,

Pinter mah sanés keur batur, pikeun jalma anu jujur,

ᮕᮤᮔ᮪ᮒᮨᮁ ᮙᮂ ᮞᮔᮦᮞ᮪ ᮊᮩᮁ ᮘᮒᮥᮁ, ᮕᮤᮊᮩᮔ᮪ ᮏᮜ᮪ᮙ ᮃᮔᮥ ᮏᮥᮏᮥᮁ.

Pinter mah sanés keur batur, pikeun jalma anu jujur.

ᮃᮠᮤᮜᮔ᮪ᮒ ᮔᮜᮜ᮪ ᮄᮜ᮪ᮙ, ᮄᮊᮥ ᮄᮜ ᮘᮤᮞᮤᮒ᮪ᮒᮒᮤᮔ᮪,

Ahilanta nalal ilma, iku ila bisittatin,

ᮃᮠᮤᮜᮔ᮪ᮒ ᮔᮜᮜ᮪ ᮄᮜ᮪ᮙ, ᮄᮊᮥ ᮄᮜ ᮘᮤᮞᮤᮒ᮪ᮒᮒᮤᮔ᮪,

Ahilanta nalal ilma, iku ila bisittatin.

 

ᮞᮅᮙ᮪ᮘᮤᮊ ᮊᮃᮔ᮪ᮒᮕ᮪ᮞᮤ, ᮄᮜ ᮃᮠᮤ ᮘᮚ ᮃᮔ᮪ᮔᮤ,

Saumbika kaantapsi, ila ahi baya anni,

ᮞᮅᮙ᮪ᮘᮤᮊ ᮊᮃᮔ᮪ᮒᮕ᮪ᮞᮤ, ᮄᮜ ᮃᮠᮤ ᮘᮚ ᮃᮔ᮪ᮔᮤ.

Saumbika kaantapsi, ila ahi baya anni.

ᮃᮛᮤ ᮞᮛᮒ᮪ ᮑᮤᮃᮁ ᮆᮜ᮪ᮙᮥ, ᮆᮒ ᮃᮚ ᮌᮨᮔᮨᮕ᮪ ᮛᮥᮕᮤ,

Ari sarat nyiar élmu, éta aya genep rupi,

ᮃᮛᮤ ᮞᮛᮒ᮪ ᮑᮤᮃᮁ ᮆᮜ᮪ᮙᮥ, ᮆᮒ ᮃᮚ ᮌᮨᮔᮨᮕ᮪ ᮛᮥᮕᮤ.

Ari sarat nyiar élmu, éta aya genep rupi.

 

ᮙᮀᮌ ᮃᮚᮩᮔ ᮓᮍᮥᮊᮩᮔ᮪, ᮃᮘᮓᮤ ᮘᮓᮦ ᮙᮨᮁᮒᮦᮜᮊᮩᮔ᮪,

Mangga ayeuna dangukeun, abdi badé mertélakeun,

ᮙᮀᮌ ᮃᮚᮩᮔ ᮓᮍᮥᮊᮩᮔ᮪, ᮃᮘᮓᮤ ᮘᮓᮦ ᮙᮨᮁᮒᮦᮜᮊᮩᮔ᮪.

Mangga ayeuna dangukeun, abdi badé mertélakeun.

ᮠᮤᮏᮤ ᮎᮨᮁᮓᮞ᮪ ᮓᮥᮃ ᮎᮤᮔ᮪ᮒ, ᮒᮤᮜᮥ ᮌᮨᮒᮧᮜ᮪ ᮇᮕᮒ᮪ ᮘᮧᮌ ᮘᮨᮊᮨᮜ᮪,

Hiji cerdas dua cinta, tilu getol opat boga bekel,

ᮠᮤᮏᮤ ᮎᮨᮁᮓᮞ᮪ ᮓᮥᮃ ᮎᮤᮔ᮪ᮒ, ᮒᮤᮜᮥ ᮌᮨᮒᮧᮜ᮪ ᮇᮕᮒ᮪ ᮘᮧᮌ ᮘᮨᮊᮨᮜ᮪.

Hiji cerdas, dua cinta, tilu getol opat boga bekel. 

 

ᮜᮤᮙ ᮊᮥᮓᮥ ᮛᮤᮓᮧ ᮌᮥᮛᮥ, ᮊᮌᮨᮔᮨᮕ᮪ ᮜᮤᮜ ᮏᮙᮔ,

Lima kudu rido guru, kagenep lila jamana,

ᮜᮤᮙ ᮊᮥᮓᮥ ᮛᮤᮓᮧ ᮌᮥᮛᮥ, ᮊᮌᮨᮔᮨᮕ᮪ ᮜᮤᮜ ᮏᮙᮔ.

Lima kudu rido guru, kagenep lila jamana.

ᮝᮞ᮪ᮞᮜᮙᮥ’ᮃᮜᮄᮊᮥᮙ᮪, ᮊ ᮞᮓᮚ ᮕᮛ ᮄᮂᮝᮔ᮪,

Wassalamu'alaikum ka sadaya para ihwan,

ᮝᮞ᮪ᮞᮜᮙᮥ’ᮃᮜᮄᮊᮥᮙ᮪, ᮊ ᮞᮓᮚ ᮕᮛ ᮄᮂᮝᮔ᮪.

Wassalamu'alaikum ka sadaya para ihwan.

 

ᮞᮊᮤᮒᮥ ᮕᮤᮠᮒᮥᮁ ᮃᮘ᮪ᮓᮤ, ᮞᮛᮨᮀ ᮞ ᮕᮛ ᮊᮔ᮪ᮎᮔ,

Sakitu pihatur abdi, sareng sa para kancana,

ᮞᮊᮤᮒᮥ ᮕᮤᮠᮒᮥᮁ ᮃᮘ᮪ᮓᮤ, ᮞᮛᮨᮀ ᮞ ᮕᮛ ᮊᮔ᮪ᮎᮔ.

Sakitu pihatur abdi, sareng sa para kancana. 

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮊᮧᮜᮦᮊ᮪ᮞᮤ ᮕᮢᮤᮘᮓᮤ)

Dicutat tina buku catetan pangajian koléksi pribadi. 

Baca Selengkapnya

Pupujian Sunda Hayu Batur Urang Ngabéla Agama

           ᮠᮚᮥ ᮘᮒᮥᮁ ᮅᮛᮀ ᮍᮘᮦᮜ ᮃᮌᮙ 

(Hayu Batur Urang Ngabéla Agama)

ᮠᮚᮥ ᮘᮒᮥᮁ ᮅᮛᮀ ᮍᮘᮦᮜ ᮃᮌᮙ,

Hayu batur urang ngabéla Agama,

ᮃᮜᮣᮧᮂ ᮔᮀᮒᮚᮥᮍᮔ᮪ ᮔᮥ ᮒᮥᮙᮨᮍᮨᮒ᮪ ᮊᮘᮦᮂ ᮏᮜ᮪ᮙ,

Alloh nangtayungan nu tumenget kabéh jalma,

ᮙᮞᮤᮀ ᮕᮓ ᮞᮥᮠᮥᮓ᮪ ᮎᮦᮊ᮪ᮎᮧᮊ᮪ ᮒᮦᮂ ᮒᮚ ᮌᮥᮔᮔ,

masing pada suhud cékcok téh taya gunana,

ᮃᮀᮌᮥᮁ ᮙᮒᮊ᮪ ᮎᮤᮜᮊ ᮓᮥᮑ ᮛᮝᮥᮂ ᮃᮠᮦᮛᮒ᮪ᮔ.

anggur matak cilaka dunya rawuh ahératna. 

 

ᮊ ᮅᮛᮀ ᮞᮥᮕᮚ ᮒᮩ ᮌᮥᮔ ᮑᮨᮊᮨᮜ᮪ ᮃᮌᮙ,

Ka urang supaya teu guna nyekel Agama,

ᮒᮤᮘᮒᮔ᮪ ᮜᮦᮞᮧᮒ᮪ ᮊᮏᮩᮔ᮪ ᮊᮥ ᮓᮤᮞᮤᮊ᮪ᮞ ᮏᮜ᮪ᮙ,

tibatan lésot kajeun ku disiksa jalma,

ᮔᮥ ᮓᮤᮞᮤᮊ᮪ᮞ ᮑᮨᮛᮤ ᮕᮔᮞ᮪ᮔ ᮞᮜᮜᮝᮞ᮪ᮔ,

nu disiksa nyeri panasna salalawasna,

ᮒᮩ ᮎᮛ ᮓᮤ ᮓᮥᮑ ᮞᮨᮔᮀ ᮌᮦ ᮃᮚ ᮒᮥᮀᮒᮥᮀᮔ.

teu cara di dunya senang gé aya tungtungna. 

 

ᮎᮛ ᮞᮤᮒᮤ ᮙᮞᮤᮒᮧᮂ ᮙᮩᮔᮀ ᮠᮥᮊᮥᮙᮔ᮪ ᮕᮧᮠᮛ,

Cara Siti Masitoh meunang hukuman pohara,

ᮓᮤᮊᮜᮥᮘ᮪ ᮓᮤᮠᮤᮏᮤ ᮎᮛᮧᮌᮦ ᮞᮤᮔᮛᮨᮀ ᮕᮥᮒᮢ,

dikulub dihiji carogé sinareng putra,

ᮊᮥᮓᮥ ᮕᮊᮦ ᮎᮧᮔ᮪ᮒᮧ ᮏᮜ᮪ᮙ-ᮏᮜ᮪ᮙ ᮔᮥ ᮘᮠᮩᮜ,

kudu paké conto jalma-jalma nu baheula,

ᮔᮥ ᮠᮚᮀ ᮊ ᮞᮥᮁᮌ ᮓᮤ ᮓᮥᮑ ᮍᮛᮞ ᮘᮀᮌ.

nu hayang ka surga di dunya ngarasa bangga. 

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮊᮧᮜᮦᮊ᮪ᮞᮤ ᮕᮢᮤᮘᮓᮤ)

Dicutat tina buku catetan pangajian koléksi pribadi. 

Baca Selengkapnya

Pupujian Sunda Hayu Geura Saradia

 ᮠᮚᮥ ᮌᮩᮛ ᮞᮛᮓᮤᮃ 

(hayu geura saradia)

ᮠᮚᮥ ᮌᮩᮛ ᮞᮛᮓᮤᮃ,

Hayu geura saradia,

ᮙᮩᮀᮕᮩᮀ ᮊᮩᮁ ᮠᮤᮛᮥᮕ᮪ ᮓᮤ ᮓᮥᮑ,

meungpeung keur hirup di dunya,

ᮃᮙᮜ᮪ ᮊᮩᮁ ᮞᮙ᮪ᮕᮩᮛᮩᮔ᮪ ᮏᮌ,

amal keur sampeureun jaga,

ᮓᮤ ᮃᮠᮤᮁ ᮙᮧᮃᮜ᮪ ᮞᮥᮜᮚ.

di ahir moal sulaya. 

 

ᮃᮛᮤ ᮙᮇᮒ᮪ ᮍᮓᮧᮓᮧᮠᮧ,

Ari maot ngadodoho,

ᮘᮧᮛᮧ ᮞᮧᮊ᮪ ᮓᮤᮕᮧᮠᮧ-ᮕᮧᮠᮧ,

boro sok dipoho-poho,

ᮓᮒᮀᮔ ᮒᮩ ᮙᮦᮛᮦ ᮑᮠᮧ,

datangna teu méré nyaho,

ᮍᮌᮨᮛᮨᮒᮊ᮪ ᮒᮚ ᮒᮦᮙ᮪ᮕᮧ.

ngageretak taya témpo. 

 

ᮒᮚ ᮘᮩᮛᮀ ᮒᮚ ᮕᮩᮒᮤᮀ,

Taya beureng taya peuting,

ᮒᮚ ᮛᮏ ᮒᮚ ᮊᮥᮛᮤᮀ,

taya raja taya kuring,

ᮓᮤ ᮙᮔ ᮃᮏᮜ᮪ ᮌᮩᮞ᮪ ᮞᮥᮙ᮪ᮕᮤᮀ,

di mana ajal geus sumping,

ᮒᮩ ᮙᮩᮔᮀ ᮒᮦᮙ᮪ᮕᮧ ᮃᮔᮊᮤᮀ.

teu meunang témpo anaking. 

 

ᮙᮔ ᮊᮥᮓᮥ ᮃᮒᮤ-ᮃᮒᮤ,

Mana kudu ati-ati,

ᮊᮔ ᮕᮛᮦᮔ᮪ᮒᮠᮔ᮪ ᮌᮥᮞ᮪ᮒᮤ,

kana paréntahan gusti,

ᮊᮝᮏᮤᮘᮔ᮪ ᮃᮔᮥ ᮌᮩᮞ᮪ ᮕᮞ᮪ᮒᮤ,

kawajiban anu geus pasti,

ᮍᮜᮊᮧᮔᮔ᮪ ᮍᮏᮤ ᮍᮘᮊ᮪ᮒᮤ.

ngalakonan ngaji ngabakti. 

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮊᮧᮜᮦᮊ᮪ᮞᮤ ᮕᮢᮤᮘᮓᮤ)

Dicutat tina buku catetab pangajian koléksi pribadi. 

Baca Selengkapnya

Pupujian Sunda Rundayan Kangjeng Nabi

 ᮛᮥᮔ᮪ᮓᮚᮔ᮪ ᮊᮀᮏᮨᮀ ᮔᮘᮤ 

(Rundayan Kangjeng Nabi)

ᮝᮏᮤᮘ᮪ ᮊ ᮏᮜ᮪ᮙ ᮄᮞᮣᮙ᮪ᮔ,

Wajib ka jalma islamna,

ᮅᮔᮤᮍ ᮛᮥᮔ᮪ᮓᮚᮔᮔ,

uninga rundayanana,

ᮏᮩᮀ ᮔᮘᮤ ᮅᮒᮥᮞᮔ᮪ ᮃᮜᮣᮧᮂ,

jeung Nabi utusan Alloh,

ᮙᮥᮠᮙ᮪ᮙᮓ᮪ ᮕᮥᮒᮢ ᮃᮘ᮪ᮓᮥᮜᮣᮧᮂ.

Muhammad putra Abdulloh. 

 

ᮃᮘ᮪ᮓᮥᮜᮣᮧᮂ ᮕᮥᮒᮢ ᮙᮥᮒ᮪ᮠᮧᮜᮤᮘ᮪,

Abdulloh putra Mutholib,

ᮙᮥᮒ᮪ᮠᮧᮜᮤᮘ᮪ ᮕᮥᮒᮢᮔ ᮠᮞᮤᮙ᮪,

Mutholib putrana Hasim,

ᮠᮞᮤᮙ᮪ ᮕᮥᮒᮢᮢ ᮃᮘᮤ ᮙᮔᮘ᮪,

Hasim putra Abi Manab,

ᮃᮘᮤ ᮙᮔᮘ᮪ ᮕᮥᮒᮢ ᮊᮥᮞᮧᮚ᮪.

Abi Manab putra Kusoy. 

 

ᮊᮥᮞᮧᮚ᮪ ᮕᮥᮒᮢᮔ ᮊᮤᮜᮘ᮪,

Kusoy putrana Kilab,

ᮊᮤᮜᮘ᮪ ᮕᮥᮒᮢᮔ ᮙᮥᮛᮧᮂ,

Kilab putrana Muroh,

ᮙᮥᮛᮧᮂ ᮕᮥᮒᮢᮔ ᮊ’ᮃᮘ᮪,

Muroh putrana Ka'ab,

ᮊ’ᮃᮘ᮪ ᮕᮥᮒᮢᮔ ᮜᮥᮃᮚ᮪.

Ka'ab putrana Luay. 

 

ᮜᮥᮃᮚ᮪ ᮕᮥᮒᮢᮔ ᮌ᮪ᮠᮧᮜᮤᮘ᮪,

Luay putrana Gholib,

ᮌ᮪ᮠᮧᮜᮤᮘ᮪ ᮕᮥᮒᮢᮔ ᮕᮤᮠᮤᮁ,

Gholib putrana Pihir,

ᮕᮤᮠᮤᮁ ᮕᮥᮒᮢᮔ ᮙᮜᮤᮊ᮪,

Pihir putraba Malik,

ᮙᮜᮤᮊ᮪ ᮕᮥᮒᮢᮔ ᮔᮓ᮪ᮠᮧᮁ.

Malik putrana Nadhor. 

 

ᮔᮓ᮪ᮠᮧᮁ ᮕᮥᮒᮢᮔ ᮊᮤᮔᮔ,

Nadhor putrana Kinana,

ᮊᮤᮔᮔ ᮕᮥᮒᮢ ᮠᮥᮐᮄᮙᮂ,

Kinana putra Huzaimah,

ᮠᮥᮐᮄᮙᮂ ᮕᮥᮒᮢ ᮙᮥᮓᮢᮤᮊᮂ,

Huzaimah putra Mudrikah,

ᮙᮥᮓᮢᮤᮊᮂ ᮕᮥᮒᮢᮔ ᮄᮜ᮪ᮚᮞ᮪.

Mudrikah putrana Ilyas. 

 

ᮄᮜ᮪ᮚᮞ᮪ ᮕᮥᮒᮢᮔ ᮙᮥᮓᮧᮁ,

Ilyas putrana Mudor,

ᮙᮥᮓᮧᮁ ᮕᮥᮒᮢᮔ ᮔᮤᮐᮁ,

Mudor putrana Nizar,

ᮔᮤᮐᮁ ᮕᮥᮒᮢᮔ ᮙ’ᮃᮘ᮪,

Nizar putrana Ma'ab,

ᮙ’ᮃᮘ᮪ ᮕᮥᮒᮢᮔ ᮃᮓ᮪ᮔᮔ᮪.

Ma'ab putrana Adnan. 

 

ᮒᮨᮕᮥᮀ ᮓᮩᮄ ᮒᮤ ᮄᮘᮥᮔ,

Tepung deui ti Ibuna,

ᮒᮤ ᮘᮤᮜᮍᮔ᮪ ᮞᮝᮛᮦᮂᮔ,

Ti bilangan sawaréhna,

ᮏᮩᮀ ᮔᮘᮤ ᮅᮒᮥᮞᮔ᮪ ᮃᮜᮣᮧᮂ,

jeung Nabi utusan Alloh,

ᮙᮥᮠᮙ᮪ᮙᮓ᮪ ᮕᮥᮒᮢ ᮃᮙᮤᮔᮂ.

Muhammad putra Aminah. 

 

ᮃᮙᮤᮔᮂ ᮕᮥᮒᮢᮔ ᮙ’ᮃᮘ᮪,

Aminah putrana Ma'ab,

ᮙ’ᮃᮘ᮪ ᮕᮥᮒᮢ ᮃᮘᮤ ᮙᮔᮕ᮪,

Ma'ab putra Abi manap,

ᮃᮘᮤ ᮙᮔᮕ᮪ ᮕᮥᮒᮢᮔ ᮏᮥᮂᮛᮧᮂ,

Abi manap putra Juhroh,

ᮏᮥᮂᮛᮧᮂ ᮕᮥᮒᮢᮔ ᮊᮤᮜᮘ᮪.

Juhroh putrana Kilab. 

 

ᮏᮩᮀ ᮓᮩᮄ ᮒᮤ ᮛᮙᮔ,

Jeung deui ti ramana

ᮓᮤ ᮘᮤᮜᮍᮔ᮪ ᮞᮝᮛᮦᮂᮔ,

di bilangan sawaréhna,

ᮏᮓᮤ ᮄᮘᮥ ᮏᮩᮀ ᮛᮙᮔ,

Jadi ibu jeung ramana,

ᮙᮞᮤᮂ ᮊᮦᮔᮦᮂ ᮞᮛᮥᮔ᮪ᮓᮚᮔ᮪.

masih kénéh sarundayan. 

 

ᮔᮥ ᮝᮏᮤᮘ᮪ ᮓᮥᮌᮤ ᮊ ᮃᮓ᮪ᮔᮔ᮪,

Nu wajib dugi ka Adnan,

ᮊᮛᮔ ᮜᮙᮥᮔ᮪ ᮍᮜᮩᮜᮩᮝᮤᮠᮔ᮪,

karan lamun ngaleuleuwihan,

ᮒᮤ ᮃᮓ᮪ᮔᮔ᮪ ᮓᮥᮌᮤ ᮊ ᮃᮓᮙ᮪,

ti Adnan dugi ka Adam,

ᮞᮘᮘ᮪ ᮒᮚ ᮏᮜᮔ᮪ ᮞᮧᮦᮠᮂ.

Sabab taya jalan sohéh. 

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮊᮧᮜᮦᮊ᮪ᮞᮤ ᮕᮢᮤᮘᮓᮤ)

Dicutat tina buku catetan pangajian koléksi pribadi. 

Baca Selengkapnya

Suksésna Kagiatan Literasi Aksara Sunda di Perpusdes Nanggeleng Kab.Bandung Barat

 

Kagiatan Literasi Aksara Sunda gawé bareng jeung Perpustakaan Désa Nanggeléng, Kabupatén Bandung Barat parantos kalaksanakeun kalayan aya dina kalancaran. 

Anu jadi Pangjejerna nyaéta Téh Usi salaku pendiri komunitas Jatinangor Aksara Sunda jeung Pendiri Literasi Aksara Sunda. 

ᮊᮌᮤᮃᮒᮔ᮪ ᮜᮤᮒᮨᮛᮞᮤ ᮃᮊ᮪ᮞᮛ ᮞᮥᮔ᮪ᮓ ᮌᮝᮦ ᮘᮛᮨᮀ ᮏᮩᮀ ᮕᮨᮁᮕᮥᮞ᮪ᮒᮊᮃᮔ᮪ ᮓᮦᮞ ᮔᮀᮌᮨᮜᮦᮀ, ᮊᮘᮥᮕᮒᮦᮔ᮪ ᮘᮔ᮪ᮓᮥᮀ ᮘᮛᮒ᮪ ᮕᮛᮔ᮪ᮒᮧᮞ᮪ ᮊᮜᮊ᮪ᮞᮔᮊᮩᮔ᮪ ᮊᮜᮚᮔ᮪ ᮃᮚ ᮓᮤᮔ ᮊᮜᮔ᮪ᮎᮛᮔ᮪.

ᮃᮔᮥ ᮏᮓᮤ ᮕᮀᮏᮨᮏᮨᮁᮔ ᮑᮆᮒ ᮒᮦᮂ ᮅᮞᮤ ᮞᮜᮊᮥ ᮕᮨᮔ᮪ᮓᮤᮛᮤ ᮊᮧᮙᮥᮔᮤᮒᮞ᮪ ᮏᮒᮤᮔᮍᮧᮁ ᮃᮊ᮪ᮞᮛ ᮞᮥᮔ᮪ᮓ ᮏᮩᮀ ᮕᮨᮔ᮪ᮓᮤᮛᮤ ᮜᮤᮒᮨᮛᮞᮤ ᮃᮊ᮪ᮞᮛ ᮞᮥᮔ᮪ᮓ. 

Anu ngiringan dina kagiatan éta diantawisna nyaéta:

1. Bapa Sékdés Désa Nanggeléng

2. Ketua BPD Désa Nanggeléng

3. Himpaudi Kec. Cipeundeuy

4. Para Pelajar

5. Masarakat umum

ᮃᮔᮥ ᮍᮤᮛᮤᮍᮔ᮪ ᮓᮤᮔ ᮊᮌᮤᮃᮒᮔ᮪ ᮆᮒ ᮓᮤᮃᮔ᮪ᮒᮝᮤᮞ᮪ᮔ ᮑᮆᮒ:

|᮱|. ᮘᮕ ᮞᮦᮊ᮪ᮓᮦᮞ᮪ ᮓᮦᮞ ᮔᮀᮌᮨᮜᮦᮀ

|᮲|. ᮊᮨᮒᮥᮃ ᮘ᮪.ᮕ᮪.ᮓ᮪. ᮓᮦᮞ ᮔᮀᮌᮨᮜᮦᮀ

|᮳|. ᮠᮤᮙ᮪ᮕᮅᮓᮤ ᮊᮨᮎ᮪. ᮎᮤᮕᮩᮔ᮪ᮓᮩᮚ᮪

|᮴|. ᮕᮛ ᮕᮨᮜᮏᮁ

|᮵|. ᮙᮞᮛᮊᮒ᮪ ᮅᮙᮥᮙ᮪

Tujuan diayakeunna kagiatan éta nyaéta lian ti urang diajar aksara sunda, ngamumulé budaya Sunda khususna aksara Sunda, urang ogé bisa bari manjangkeun silaturahmi. 

ᮒᮥᮏᮥᮃᮔ᮪ ᮓᮤᮃᮚᮊᮩᮔ᮪ᮔ ᮊᮌᮤᮃᮒᮔ᮪ ᮆᮒ ᮑᮆᮒ ᮜᮤᮃᮔ᮪ ᮒᮤ ᮅᮛᮀ ᮓᮤᮃᮏᮁ ᮃᮊ᮪ᮞᮛ ᮞᮥᮔ᮪ᮓ, ᮍᮙᮥᮙᮥᮜᮦ ᮘᮥᮓᮚ ᮞᮥᮔ᮪ᮓ ᮠᮥᮞᮥᮞ᮪ᮔ ᮃᮊ᮪ᮞᮛ ᮞᮥᮔ᮪ᮓ, ᮅᮛᮀ ᮇᮌᮦ ᮘᮛᮤ ᮘᮤᮞ ᮙᮔ᮪ᮏᮀᮊᮩᮔ᮪ ᮞᮤᮜᮒᮥᮛᮂᮙᮤ. 

Kahareupna, mugia ulah ngan ukur sakali wungkul ngayakeun kagiatan siga kitu téh, tapi ogé bisa manjang dina kagiatan-kagiatan anu bakal datang. Da diajar aksara sunda teu cukup ku sakali. 

ᮊᮠᮛᮩᮕ᮪ᮔ, ᮙᮥᮌᮤᮃ ᮅᮜᮂ ᮍᮔ᮪ ᮅᮊᮥᮁ ᮞᮊᮜᮤ ᮝᮥᮀᮊᮥᮜ᮪ ᮍᮚᮊᮩᮔ᮪ ᮊᮌᮤᮃᮒᮔ᮪ ᮞᮤᮌ ᮊᮤᮒᮥ ᮒᮦᮂ, ᮒᮕᮤ ᮇᮌᮦ ᮘᮤᮞ ᮙᮔ᮪ᮏᮀ ᮓᮤᮔ ᮊᮌᮤᮃᮒᮔ᮪-ᮊᮌᮤᮃᮒᮔ᮪ ᮃᮔᮥ ᮘᮊᮜ᮪ ᮓᮒᮀ. ᮓ ᮓᮤᮃᮏᮁ ᮃᮊ᮪ᮞᮛ ᮞᮥᮔ᮪ᮓ ᮒᮩ ᮎᮥᮊᮥᮕ᮪ ᮊᮥ ᮞᮊᮜᮤ. 

Pamungkas, sanggeus kagiatan bérés, aya serah terima heula cinderamatan ti Téh usi keur Perpusdés Nanggeléng nyaéta 1 buku aksara Sunda karya Téh Usi jeung 1 Kartu Aksara Sunda. Mugia bisa mangpaat keur balaréa. Aamiin.

ᮕᮙᮥᮀᮊᮞ᮪, ᮞᮀᮌᮩᮞ᮪ ᮊᮌᮤᮃᮒᮔ᮪ ᮘᮦᮛᮦᮞ᮪, ᮃᮚ ᮞᮨᮛᮂ ᮒᮨᮛᮤᮙ ᮠᮩᮜ ᮎᮤᮔ᮪ᮓᮨᮛᮙᮒ ᮒᮤ ᮒᮦᮂ ᮅᮞᮤ ᮊᮩᮁ ᮕᮨᮁᮕᮥᮞ᮪ᮓᮦᮞ᮪ ᮔᮀᮌᮨᮜᮦᮀ ᮑᮆᮒ |᮱| ᮘᮥᮊᮥ ᮃᮊ᮪ᮞᮛ ᮞᮥᮔ᮪ᮓ ᮊᮁᮚ ᮒᮦᮂ ᮅᮞᮤ ᮏᮩᮀ |᮱| ᮊᮁᮒᮥ ᮃᮊ᮪ᮞᮛ ᮞᮥᮔ᮪ᮓ. ᮙᮥᮌᮤᮃ ᮘᮤᮞ ᮙᮀᮕᮃᮒ᮪ ᮊᮩᮁ ᮘᮜᮛᮦᮃ. ᮃᮃᮙᮤᮄᮔ᮪. 

Perpusdés Nanggeléng Kab. Bandung Barat, 11 Séptémber 2021

ᮕᮨᮁᮕᮥᮞ᮪ᮓᮦᮞ᮪ ᮔᮀᮌᮨᮜᮦᮀ ᮊᮘ᮪. ᮘᮔ᮪ᮓᮥᮀ ᮘᮛᮒ᮪, |᮱᮱| ᮞᮦᮕ᮪ᮒᮦᮙ᮪ᮘᮨᮁ |᮲᮰᮲᮱|

Baca Selengkapnya

Wilujeng Miéling Poé Aksara Internasional 8 Séptémber 2021

 

Wilujeng Miéling Poé Aksara Internasional, 8 Séptémber 2021. 

ᮝᮤᮜᮥᮏᮨᮀ ᮙᮤᮆᮜᮤᮀ ᮕᮧᮆ ᮃᮊ᮪ᮞᮛ ᮄᮔ᮪ᮒᮨᮁᮔᮞᮤᮇᮔᮜ᮪, |᮸| ᮞᮦᮕ᮪ᮒᮦᮙ᮪ᮘᮨᮁ |᮲᮰᮲᮱|. 

Mari tingkatkan budaya literasi dimulai dari diri sendiri. 

ᮙᮛᮤ ᮒᮤᮀᮊᮒ᮪ᮊᮔ᮪ ᮘᮥᮓᮚ ᮜᮤᮒᮨᮛᮞᮤ ᮓᮤᮙᮥᮜᮄ ᮓᮛᮤ ᮓᮤᮛᮤ ᮞᮨᮔ᮪ᮓᮤᮛᮤ. 

Baca Selengkapnya

LITERASI AKSARA SUNDA

 

 

Assalamu'alaikum warahmatullahi wabarakatuh. 

Sampurasun, baraya Aksara! Kumaha daramang? Mugia urang salamina aya dina kaayaan séhat walafiat. Aamiin. 

Baraya aya nu kantos diajar aksara sunda atanapi teu acan? Pami teu acan, hayu atuh urang diajar sasarengan, anu atos ogé hayu urang diajar deui dina kagiatan " LITERASI AKSARA SUNDA ". 

Nah kedah ngiringan? Lantaran ieu acara téh bakal ramé pisan, lian ti urang bakal diajar aksara Sunda, urang ogé bakal panggih jeung babaturan anyar bari silaturahmi. Ditambah deui bakal aya giveaway kanggo para pamilon anu ngiringan. 

Yuk atuh, ulah hilap catet tanggalna, nya!

️Tanggal : Saptu, 11 September 2021

Waktos : 09.00-réngsé

Tempat : Perpustakaan Nanggelang (Jl. Nanggeleng-Sirnaraja, Desa. Nanggeleng, Kec. Cipeundeuy, Kabupaten Bandung Barat)

Pangjejer: 

Teh Usi 

(Pendiri Komunitas Jatinangor Aksara Sunda &

Pendiri Literasi Aksara Sunda)

Tong hilap nya!!

Info kanggo salajengna: 

Teh Usi (087718393307)

Ibu Yuliarti (085974088736)

Ulah hilap follow akun média sosial Literasi Aksara Sunda di: 

Ig: @literasiaksarasunda

Sareng akun média sosial Perpustakaan Nanggeleng di:

Ig: @perpusdes_nanggeleng

Fb: Perpustakaan Nanggeleng

 *Acara ieu HARATIS* 

Hurip Sunda!

Hurip Aksara Sunda!

Cag!

#literasi #aksarasunda #literasiaksarasunda

Baca Selengkapnya