Kakawihan Barudak Pacublak-cublak uang

 ᮕᮎᮥᮘᮣᮊ᮪-ᮎᮥᮘᮣᮊ᮪ ᮅᮃᮀ (Pacublak-Cublak Uang

ᮓᮤᮊᮝᮤᮂᮊᮩᮔ᮪ ᮘᮘᮛᮨᮍᮔ᮪. ᮘᮛᮥᮓᮊ᮪ᮔ ᮍᮛᮤᮅᮀ ᮞᮅᮛᮀ ᮘᮒᮥᮁᮔ ᮔᮥ ᮑᮥᮅᮂ ᮔᮥ ᮘᮊᮜ᮪ ᮔᮨᮌᮥᮂ. ᮔᮥ ᮦᮞᮏᮦᮔ᮪ ᮔᮥᮙ᮪ᮕᮀᮊᮩᮔ᮪ ᮜᮩᮍᮩᮔ᮪ᮔ ᮓᮤᮊᮩᮕᮩᮜ᮪ᮊᮩᮔ᮪. ᮞᮜᮂ ᮞᮅᮛᮀ ᮍᮩᮕᮩᮜ᮪ ᮘᮛᮀ ᮔᮥ ᮊᮥᮓᮥ ᮓᮤᮒᮨᮌᮥᮂ. ᮘᮛᮀ ᮊᮝᮤᮂ ᮓᮤᮞᮓ, ᮔᮥ ᮑᮥᮅᮂ ᮎᮨᮀᮊᮒ᮪ ᮒᮨᮛᮥᮞ᮪ ᮔᮨᮌᮥᮂ. ᮜᮙᮥᮔ᮪ ᮊᮒᮨᮌᮥᮂ ᮓᮤ ᮞᮠ ᮆᮒ ᮘᮛᮀ ᮦᮒᮂ ᮃᮚᮔ, ᮑ ᮙᮔᮦᮂᮔ ᮔᮥ ᮊᮌᮤᮜᮤᮛᮔ᮪ ᮑᮥᮅᮂ ᮕᮤᮊᮩᮔ᮪ ᮔᮨᮌᮥᮂ. ᮛᮊᮤᮒᮔ᮪ ᮊᮝᮤᮂᮔ ᮞᮕᮨᮁᮒᮤ ᮊᮤᮉ:

Dikawihkeun babarengan. Barudakna ngariung saurang baturna nu nyuuh nu bakal neguh. Nu séjén numpangkeun leungeunba dikeupeulkeun. Salah saurang ngeupeul barang nu kudu diteguh. Barang kawih disada, nu nyuuh cengkat terus neguh. Lamun kateguh di saha éta barang téh ayana, nya manéhna nu kagiliran nyuuh pikeun neguh. Rakitan kawihna saperti kieu: 

ᮕᮎᮥᮘᮣᮊ᮪-ᮎᮥᮘᮣᮊ᮪ ᮅᮃᮀ

Pacublak-cublak uang

ᮅᮃᮀᮑ ᮙᮀᮌᮥᮜ᮪ ᮜᮧᮔ᮪ᮦᮒᮀ

Uangnya manggul lonténg

ᮘᮥᮒᮒ ᮘᮥᮒᮤᮒᮤ

Butata butiti

ᮞᮤ ᮒᮒ ᮝᮛ-ᮝᮤᮛᮤ

Si tata wara-wiri

ᮒᮀᮞᮤ ᮔᮧᮔ ᮒᮀᮞᮤ ᮘᮘᮂ

Tangsi nona tangsi babah

ᮞᮤ ᮞᮤᮓᮤᮔ᮪ ᮙᮅ ᮊᮝᮤᮔ᮪

Si sidin mau kawin

ᮌᮙᮨᮜᮔ᮪ ᮏᮨᮌᮁ ᮏᮨᮌᮥᮁ

Gamelan jegar jegur

ᮃᮙᮤᮜ᮪ ᮕᮀᮠᮥᮜᮥᮔ

Amil panghuluna

ᮒ ᮈ ᮈᮙ᮪ ᮒ ᮈ ᮈᮙ᮪ ᮒ ᮈ ᮈᮙ᮪ ᮒ ᮈ ᮈᮙ᮪

Ta e em ta e em ta e em ta e em

ᮛᮊᮤᮒᮔ᮪ ᮊᮝᮤᮂ ᮜᮤᮃᮔ᮪ᮔ ᮊᮤᮉ:

Rakitan kawih lianna kieu:

ᮕᮎᮥᮘᮣᮊ᮪-ᮎᮥᮘᮣᮊ᮪ ᮅᮃᮀ

Pacublak-cublak uang

ᮙᮀᮌᮧᮦᮜᮔ᮪ᮒᮀ-ᮙᮀᮌᮧᮜᮔ᮪ᮒᮤᮀ

Manggoléntang-manggolénting

ᮘᮥᮒᮒ ᮘᮥᮒᮤᮒᮤ

Butata butiti

ᮌᮨᮙ᮪ᮘᮢᮀ-ᮌᮨᮙ᮪ᮘᮢᮥᮀ

Gembrang-gembrung

ᮌᮨᮙ᮪ᮘᮢᮀ-ᮌᮨᮙ᮪ᮘᮢᮥᮀ

Gembrang-gembrung

ᮘᮧ ᮈ-ᮈᮙ᮪ ᮘᮧ ᮈ-ᮈᮙ᮪. 

Bo e-em bo e-em.

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ‘Peperenian Urang Sunda’, Penerbit Kiblat Buku Utama).

Baca Selengkapnya

Kakawihan Barudak "Cok Cang jeung Hompilah"

 ᮎᮧᮊ᮪ ᮎᮀ ᮏᮩᮀ ᮠᮧᮙ᮪ᮕᮤᮜᮂ 

(Cok Cang jeung Hompilah)

ᮎᮧᮊ᮪ ᮎᮀ (ᮎᮧᮊ᮪ᮎᮍᮔ᮪)

Cok Cang (Cokcangan)

ᮑ ᮆᮒ ᮊᮝᮤᮂ ᮕᮛᮔ᮪ᮒᮤ ᮙᮤᮜᮀ ᮞᮙᮦᮙᮦᮂ ᮅᮜᮤᮔ᮪ ᮅᮎᮤᮀ-ᮅᮎᮤᮍᮔ᮪. ᮛᮊᮤᮒᮔ᮪ ᮊᮝᮤᮂᮔ ᮞᮕᮨᮁᮒᮤ ᮊᮤᮉ:

Nyaéta kawih paranti milang saméméh ulin ucing-ucingan. Rakitan kawihna saperti kieu:

ᮎᮧᮊ᮪ ᮎᮀ ᮞᮤ ᮕᮨᮔ᮪ᮎᮧᮊ᮪ ᮞᮤ ᮊᮎᮀ

Cok cang si pencok si kacang

ᮞᮤ ᮔᮤᮒᮤ ᮃᮀᮌᮧᮜᮒᮤ

Si niti anggolati

ᮞᮤ ᮒᮧᮌᮧᮌ᮪ ᮙᮧᮔ᮪ᮒᮧᮊ᮪

Si togog montok

ᮛᮊᮤᮒᮔ᮪ ᮊᮝᮤᮂ ᮦᮞᮏᮦᮔ᮪ᮔ:

Rakitan kawih séjénna:

ᮎᮧᮊ᮪ ᮎᮀ ᮞᮤ ᮕᮨᮔ᮪ᮦᮓᮊ᮪ ᮞᮤ ᮊᮎᮀ

Cok cang si pencok si kacang

ᮞᮤ ᮔᮤᮒᮤ ᮃᮀᮌᮧᮜᮒᮤ

Si niti anggolati

ᮓᮧᮌ᮪ ᮎᮣᮧ

Dog clo

ᮘᮧ ᮜᮧ ᮑᮧᮔ᮪

Bo lo nyon

ᮃᮒᮝ:

Atawa: 

ᮎᮧᮊ᮪ ᮎᮀ ᮞᮤ ᮕᮨᮔ᮪ᮎᮧᮊ᮪ ᮞᮤ ᮊᮎᮀ

Cok cang si pencok si kacang

ᮞᮤ ᮔᮤᮒᮤ ᮃᮀᮌᮧᮜᮒᮤ

Si niti anggolati

ᮜᮙᮨᮒ ᮦᮓᮔᮤᮀ ᮞᮤ ᮒᮧᮌᮧᮌ᮪

Lameta déning si togog

ᮙᮧᮔ᮪ᮒᮧᮊ᮪!

Montok!

 

ᮠᮧᮙ᮪ᮕᮤᮜᮂ

Hompilah

ᮙᮦᮙᮦᮂ ᮕᮢᮥᮀ ᮙᮆᮔ᮪ ᮅᮎᮤᮀ-ᮅᮎᮤᮍᮔ᮪, ᮏᮩᮀ ᮞᮏᮘᮔ, ᮘᮛᮥᮓᮊ᮪ ᮍᮛᮤᮅᮀ ᮘᮛᮤ ᮔᮙ᮪ᮕᮢᮊ᮪ᮊᮩᮔ᮪ ᮏᮩᮀ ᮔᮀᮊᮥᮘ᮪ᮊᮩᮔ᮪ ᮓᮙ᮪ᮕᮜ᮪ ᮜᮩᮍᮩᮔ᮪ ᮍᮝᮤᮂ ᮘᮘᮛᮨᮍᮔ᮪, ᮃᮔᮥ ᮅᮔᮤᮔ ᮊᮤᮉ:

Méméh prung maén ucing-ucingan, jeung sajabana, barudak ngariung bari namprakkeun jeung nangkubkeun dampal leungeun ngawih babarengan, anu unina kieu:

ᮠᮧᮙ᮪ᮕᮤᮜᮂ ᮠᮧᮙ᮪ᮕᮤᮙ᮪ᮕᮂ

Hompilah hompimpah

ᮃᮜᮄᮠᮥᮙ᮪ ᮌᮙ᮪ᮘᮢᮦᮀ

Alaihum gambréng

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ‘Peperenian Urang Sunda’, Penerbit Kiblat Buku Utama).

 

Baca Selengkapnya

ᮕᮥᮕᮥᮏᮤᮃᮔ᮪ ᮞᮥᮔ᮪ᮓ "ᮓᮤ ᮓᮥᮑ ᮅᮊᮥᮁ ᮍᮥᮙ᮪ᮘᮛ" Pupujian Sunda "Di Dunya ukur ngumbara"

 ᮅᮊᮥᮁ ᮍᮥᮙ᮪ᮘᮛ 

(Ukur Ngumbara)

ᮠᮤᮛᮥᮕ᮪ ᮓᮤ ᮓᮥᮑ ᮅᮊᮥᮁ ᮍᮥᮙ᮪ᮘᮛ,

Hirup di dunya ukur ngumbara,

ᮠᮁᮒ ᮏᮩᮀ ᮃᮔᮊ᮪ ᮕᮤᮒ᮪ᮔᮂ ᮔᮥ ᮑᮒ,

harta jeung anak pitnah nu nyata,

ᮊᮥᮃᮒ᮪ᮊᮩᮔ᮪ ᮄᮙᮔ᮪ ᮒᮤᮀᮊᮒ᮪ᮊᮩᮔ᮪ ᮒᮊ᮪ᮝ,

kuatkeun iman tingkatkeun takwa,

ᮕᮞ᮪ᮒᮤ ᮞᮜᮙᮨᮒ᮪ ᮓᮤ ᮃᮠᮤᮁ ᮙᮞ.

pasti salamet di ahir masa. 

 

ᮜᮧᮘᮊᮩᮔ᮪ ᮄᮙᮔ᮪ ᮙᮤᮆᮜᮤᮀ ᮙᮒᮤ,

Lobakeun iman miéling mati,

ᮞᮘᮘ᮪ ᮄᮉ ᮦᮒᮂ ᮓᮒᮀᮔ ᮕᮞ᮪ᮒᮤ,

sabab ieu téh datangna pasti,

ᮑᮝ ᮓᮤᮕᮥᮔ᮪ᮓᮥᮒ᮪ ᮛᮧᮘ᮪ᮘᮥᮜ᮪ ᮄᮐ᮪ᮐᮒᮤ,

nyawa dipundut Robbul Izzati,

ᮙᮀᮊ ᮊᮥᮓᮥ ᮠᮤᮛᮥᮕ᮪ ᮞᮤᮀ ᮃᮒᮤ-ᮃᮒᮤ.

mangka kudu hirup sing ati-ati. 

 

ᮓᮒᮀᮔ ᮃᮏᮜ᮪ ᮓᮤᮛᮤ ᮞᮥᮙᮨᮛᮂ,

Datangna ajal diri sumerah,

ᮑᮝ ᮏᮩᮀ ᮏᮞᮓ᮪ ᮒᮀᮒᮥ ᮕᮕᮤᮞᮂ,

nyawa jeung jasad tangtu papisah,

ᮃᮔᮊ᮪ ᮊᮥᮜᮝᮁᮌ ᮊᮛᮥᮙ᮪ᮕᮥᮜ᮪ ᮊᮘᮦᮂ,

anak kulawarga karumpul kabéh,

ᮒᮥᮜᮥᮚ᮪ ᮓᮤᮘᮥᮀᮊᮥᮞ᮪ ᮘᮓᮔ᮪ ᮊᮥ ᮘᮧᮆᮂ.

tuluy dibungkus badan ku boéh. 

 

ᮔᮥ ᮍᮔ᮪ᮒᮩᮁ ᮏᮔᮐᮂ ᮒᮤᮜᮥ ᮕᮨᮁᮊᮛ,

Nu nganteur janazah tilu perkara,

ᮃᮏᮜ᮪ ᮏᮩᮀ ᮠᮁᮒ, ᮃᮔᮊ᮪ ᮊᮥᮜᮝᮁᮌ,

ajal jeung harta, anak kulawarga,

ᮠᮁᮒ ᮏᮩᮀ ᮃᮔᮊ᮪ ᮘᮛᮜᮤᮊ᮪ ᮓᮩᮄ,

harta jeung anak baralik deui,

ᮃᮙᮜ᮪ ᮙᮤᮙᮤᮜᮥ ᮔᮥ ᮏᮓᮤ ᮞᮊ᮪ᮞᮤ.

amal mimilu nu jadi saksi. 

 

ᮞᮔᮏᮔ᮪ ᮠᮤᮛᮥᮕ᮪ ᮊᮩᮁ ᮞᮥᮊ ᮘᮨᮒᮂ,

Sanajan hirup keur suka betah,

ᮞᮠᮤᮀᮌ ᮓᮤᮛᮤ ᮕᮧᮠᮧ ᮄᮘᮓᮂ,

sahingga diri poho ibadah,

ᮔᮥᮛᮥᮒ᮪ᮊᮩᮔ᮪ ᮠᮝ ᮔᮕ᮪ᮞᮥ ᮞᮛᮊᮂ,

nurutkeun hawa napsu sarakah,

ᮓᮒᮀ ᮄᮐ᮪ᮛᮧᮄᮜ᮪ ᮙᮧᮃᮜ᮪ ᮍᮘᮔ᮪ᮒᮂ.

datang Izroil moal ngabantah. 

 

ᮓᮒᮀ ᮓᮤ ᮊᮥᮘᮥᮁ ᮒᮦᮂ ᮠᮤᮛᮥᮕ᮪ ᮓᮩᮄ,

Datang di kubur tég hirup deui,

ᮙᮥᮀᮊᮁ ᮝ ᮔᮊᮤᮁ ᮔᮥ ᮍᮃᮓᮤᮜᮤ,

mungkar wa nakir nu ngaadili,

ᮝᮊ᮪ᮒᮥ ᮠᮛᮤᮒ ᮜᮤᮞᮔ᮪ ᮓᮤᮊᮧᮔ᮪ᮎᮤ,

waktu harita lisan dikonci,

ᮏᮞᮓ᮪ ᮍᮏᮝᮘ᮪ ᮒᮥᮁ ᮏᮓᮤ ᮞᮊ᮪ᮞᮤ.

jasad ngajawab tur jadi saksi. 

 

ᮅᮙᮥᮁ ᮙᮔᮥᮞ ᮘᮊᮜ᮪ ᮓᮤᮒᮑ,

Umur manusa bakal ditanya,

ᮊᮝᮤᮒ᮪ ᮜᮠᮤᮁᮔ ᮓᮥᮌᮤ ᮙᮇᮒ᮪ᮔ,

kawit lahirna dugi maotna,

ᮝᮊ᮪ᮒᮥ ᮍᮧᮛᮔ ᮝᮊ᮪ᮒᮥ ᮞᮦᮠᮒ᮪ᮔ,

waktu ngorana waktu séhatna,

ᮞᮓᮚ ᮕᮤᮞᮔ᮪ ᮓᮤᮕᮛᮤᮊ᮪ᮞᮔ.

sadaya pisan dipariksana. 

 

ᮒᮚ ᮠᮁᮒᮤᮔ ᮠᮤᮛᮥᮕ᮪ ᮓᮤ ᮓᮥᮑ,

Taya hartina hirup di dunya,

ᮞᮜᮙᮤ ᮠᮤᮛᮥᮕ᮪ ᮙᮤᮌᮝᮦ ᮓᮧᮞ,

salami hirup migawé dosa,

ᮕᮧᮠᮧ ᮊ ᮓᮤᮛᮤ ᮕᮞ᮪ᮒᮤ ᮎᮤᮜᮊ,

poho ka diri pasti cilaka,

ᮔᮔ᮪ᮓᮍᮔ᮪ ᮞᮤᮊ᮪ᮞ ᮓᮤᮔ ᮔᮛᮊ.

nandangan siksa dina naraka.

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮍᮏᮤ ᮕᮢᮤᮘᮓᮤ)

Dicutat tina buku catetab ngaji pribadi

 

Baca Selengkapnya

ᮕᮥᮕᮥᮏᮤᮃᮔ᮪ ᮞᮥᮔ᮪ᮓ "ᮌᮩᮛ ᮒᮛᮧᮘᮒ᮪" Pupujian Sunda "Geura Tarobat"

ᮃᮜᮙ᮪ ᮓᮥᮑ ᮌᮩᮞ᮪ ᮕᮎᮤᮝᮩᮂ,

Alam dunya geus paciweuh,

ᮘᮨᮔ᮪ᮎᮔ ᮓᮒᮀ ᮍᮩᮛᮩᮚᮩᮂ,

bencana datang ngeureuyeuh,

ᮔᮥ ᮙ'ᮞᮤᮃᮒ᮪ ᮘᮩᮊᮤ ᮙᮎᮩᮂ,

nu ma'siat beuki maceuh, 

ᮔᮥ ᮄᮘᮓᮂ ᮘᮩᮊᮤ ᮉᮝᮩᮂ. 

nu ibadah beuki euweuh. 

ᮃᮜᮙ᮪ ᮓᮥᮑ ᮘᮩᮊᮤ ᮊᮩᮉᮀ,

Alam dunya beuki keueung,

ᮜᮧᮘ ᮏᮜ᮪ᮙ ᮔᮥ ᮙᮜᮝᮩᮀ,

loba jalma nu malaweung,

ᮔᮥ ᮓᮧᮛᮊ ᮘᮩᮊᮤ ᮃᮔ᮪ᮒᮨᮀ,

nu doraka beuki anteng,

ᮊᮔ ᮄᮘᮓᮂ ᮒᮩ ᮙᮚᮨᮀ. 

kana ibadah teu mayeng. 

 

ᮓᮥᮑ ᮒᮦᮂ ᮌᮩᮞ᮪ ᮔᮤᮔᮤ-ᮔᮤᮔᮤ,

Dunya téh geus nini-nini,

ᮏᮜ᮪ᮙ ᮙ'ᮞᮤᮃᮒ᮪ ᮝᮛᮔᮤ,

jalma ma'siat warani,

ᮃᮔᮥ ᮙᮒᮊ᮪ ᮜᮧᮘ ᮜᮤᮔᮤ,

anu matak loba lini,

ᮃᮠᮤᮁᮔ ᮏᮓᮤ ᮒ᮪ᮞᮥᮔᮙᮤ.

ahirna jadi tsunami. 

 

ᮊᮥ ᮓᮥᮑ ᮜᮧᮘ ᮊᮘᮦᮀᮘᮒ᮪,

Ku dunya loba kabéngbat,

ᮙᮥᮔ᮪ ᮛᮧᮂ ᮊᮘᮥᮛᮥ ᮞᮊᮛᮒ᮪,

mun roh kaburu sakarat,

ᮙᮧᮃᮜ᮪ ᮓᮤᮒᮛᮤᮙ ᮒᮧᮘᮒ᮪,

moal ditarima tobat, 

ᮎᮤᮜᮊ ᮓᮥᮑ ᮃᮠᮦᮛᮒ᮪. 

cilaka dunya ahérat. 

 

ᮙᮞ᮪ᮏᮤᮓ᮪ ᮙᮂ ᮍᮏᮛᮛᮨᮕᮒ᮪, 

Masjid mah ngajararepat,

ᮏᮙ'ᮃᮂ ᮔ ᮅᮊᮥᮁ ᮊᮁᮕᮦᮒ᮪,

jama'ah na ukur karpét,

ᮍᮩᮞᮤ ᮊᮧᮒᮊ᮪ ᮃᮙᮜ᮪ ᮊᮧᮛᮦᮒ᮪,

ngeusi kotak amal korét,

ᮃᮠᮤᮁᮔ ᮠᮤᮛᮥᮕ᮪ ᮞᮙ᮪ᮕᮧᮛᮦᮒ᮪. 

ahirna hirup samporét. 

 

ᮓᮥᮑ ᮌᮩᮞ᮪ ᮒᮦᮛᮦᮂ ᮊᮤᮃᮙᮒ᮪

Dunya geus téréh kiamat,

ᮃᮝᮦᮝᮦ ᮍᮊᮥ ᮙᮥᮞ᮪ᮜᮤᮙᮒ᮪,

Awéwé ngaku muslimat, 

ᮒᮕᮤ ᮒᮛ ᮔᮥᮒᮥᮕ᮪ ᮇᮛᮒ᮪,

tapi tara nutup orat, 

ᮊᮓᮦ ᮊᮘᮥᮛᮥ ᮞᮊᮛᮒ᮪.

kadé kaburu sakarat. 

 

ᮓᮥᮑ ᮌᮩᮞ᮪ ᮒᮦᮛᮦᮂ ᮊᮤᮃᮙᮒ᮪,

dunya geus téréh kiamat,

ᮠᮚᮥ ᮌᮔ᮪ᮎᮀ ᮌᮩᮛ ᮒᮧᮘᮒ᮪,

hayu gancang geura tobat,

ᮌᮩᮛ ᮏᮅᮠᮔ᮪ ᮙ'ᮞᮤᮃᮒ᮪,

geura jauhan ma'siat,

ᮙᮦᮂ ᮘᮌ᮪ᮏ ᮓᮥᮑ ᮃᮠᮦᮛᮒ᮪. 

méh bagja dunya ahérat. 

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮕᮢᮤᮘᮓᮤ )

Dicutat tina buku catetan ngaji pribadi  

Baca Selengkapnya

Lagu Aksara Sunda Karya Téh Usi (Founder Komunitas Jatinangor Aksara Sunda)

 

Lirik Lagu Aksara Sunda

ᮜᮤᮛᮤᮊ᮪ ᮜᮌᮥ ᮃᮊ᮪ᮞᮛ ᮞᮥᮔ᮪ᮓ

Hayu kabéh baraya.. 

ᮠᮚᮥ ᮊᮘᮦᮂ ᮘᮛᮚ

Urang diajar aksara sunda.. 

ᮅᮛᮀ ᮓᮤᮃᮏᮁ ᮃᮊ᮪ᮞᮛ ᮞᮥᮔ᮪ᮓ

Hayu kabe baraya.. 

ᮠᮚᮥ ᮊᮘᮦᮂ ᮘᮛᮚ

Urang apalkeun aksara.. 2x

ᮅᮛᮀ ᮃᮕᮜ᮪ᮊᮩᮔ᮪ ᮃᮊ᮪ᮞᮛᮔ

Réff:

Ka Ga Nga Ca Ja Nya,Ta Da Na Pa Ba...

ᮊ ᮌ ᮍ ᮎ ᮏ ᮑ, ᮒ ᮓ ᮔ ᮕ ᮘ

Ma Ya Ra La, Wa Sa Ha Fa Qa Va Xa... 

ᮙ ᮚ ᮛ ᮜ, ᮝ ᮞ ᮠ ᮖ ᮋ ᮗ ᮟ

Za AIU OE EU

ᮐ ᮃ ᮄ ᮅ ᮆ ᮇ ᮈ ᮉ

AIU OE EU 2x

ᮃ ᮄ ᮅ ᮆ ᮇ ᮈ ᮉ

Nu di luhur ngaranna.. 

ᮔᮥ ᮓᮤ ᮜᮥᮠᮥᮁ ᮍᮛᮔ᮪ᮔ

Ngaranna panghulu i..

ᮍᮛᮔ᮪ᮔ ᮕᮀᮠᮥᮜᮥ (... ᮤ)

Nu di luhur ngaranna.. 

ᮔᮥ ᮓᮤ ᮜᮥᮠᮥᮁ ᮍᮛᮔ᮪ᮔ

Ngaranna pamepet e.. 

ᮍᮛᮔ᮪ᮔ ᮕᮙᮨᮕᮨᮒ᮪ (... ᮨ)

Nu di luhur ngaranna.. 

ᮔᮥ ᮓᮤ ᮜᮥᮠᮥᮁ ᮍᮛᮔ᮪ᮔ

Ngaranna paneuleung eu.. 

ᮍᮛᮔ᮪ᮔ ᮕᮔᮩᮜᮩᮀ (... ᮩ)

Nu di luhur ngaranna.. 

ᮔᮥ ᮓᮤ ᮜᮥᮠᮥᮁ ᮍᮛᮔ᮪ᮔ

Ngaranna panglayar r.. 

ᮍᮛᮔ᮪ᮔ ᮕᮀᮜᮚᮁ (... ᮁ)

Nu di luhur ngaranna panyecek ng 

ᮔᮥ ᮓᮤ ᮜᮥᮠᮥᮁ ᮍᮛᮔ᮪ ᮕᮑᮨᮎᮨᮊ᮪ (... ᮀ)

Nu di handap ngaranna panyuku u..

ᮔᮥ ᮓᮤ ᮠᮔ᮪ᮓᮕ᮪ ᮍᮛᮔ᮪ᮔ ᮕᮑᮥᮊᮥ (... ᮥ)

Nu di handap pannyiku la.. 

ᮔᮥ ᮓᮤ ᮠᮔ᮪ᮓᮕ᮪ ᮕᮑᮤᮊᮥ (... ᮣ)

Reujeung panyakra ra.. 

ᮛᮩᮏᮩᮀ ᮕᮑᮊᮢ (... ᮢ)

Nu di gigir ngaranna panéléng é..

ᮔᮥ ᮓᮤ ᮌᮤᮌᮤᮁ ᮍᮛᮔ᮪ᮔ ᮕᮔᮦᮜᮦᮀ ( ᮦ... )

Nu di gigir ngaranna panolong o..

ᮔᮥ ᮓᮤ ᮌᮤᮌᮤᮁ ᮍᮛᮔ᮪ᮔ ᮕᮔᮧᮜᮧᮀ (... ᮧ )

Nu di gigir pamingkal ya.. 

ᮔᮥ ᮓᮤ ᮌᮤᮌᮤᮁ ᮕᮙᮤᮀᮊᮜ᮪ (... ᮡ )

Pangwisad h jeung pamaéh

ᮕᮀᮝᮤᮞᮓ᮪ (... ᮂ ) ᮏᮩᮀ ᮕᮙᮆᮂ ( ᮪ )

Tah sakitu baraya.. 

ᮒᮂ ᮞᮊᮤᮒᮥ ᮘᮛᮚ

Nu dingaranan aksara sunda.. 

ᮔᮥ ᮓᮤᮍᮛᮔᮔ᮪ ᮃᮊ᮪ᮞᮛ ᮞᮥᮔ᮪ᮓ

Hayu urang apalkeun.. 

ᮠᮚᮥ ᮅᮛᮀ ᮃᮕᮜ᮪ᮊᮩᮔ᮪

Ulah poho ogé pék amalkeun..

ᮅᮜᮂ ᮕᮧᮠᮧ ᮇᮌᮦ ᮕᮦᮊ᮪ ᮃᮙᮜ᮪ᮊᮩᮔ᮪

(uih deui ka reff) 

Baca Selengkapnya