Yuk Belajar: Belajar di Waktu Kecil Bagaikan Mengukir di Atas Batu, Belajar di Waktu Besar Bagaikan Mengukir di Atas Air >> Yuk Belajar: Tuntutlah Ilmu Dari Buaian Hingga Liang Lahat

Sabtu, 21 Agustus 2021

ᮕᮥᮕᮥᮏᮤᮃᮔ᮪ ᮞᮥᮔ᮪ᮓ "ᮌᮩᮛ ᮒᮛᮧᮘᮒ᮪" Pupujian Sunda "Geura Tarobat"

ᮃᮜᮙ᮪ ᮓᮥᮑ ᮌᮩᮞ᮪ ᮕᮎᮤᮝᮩᮂ,

Alam dunya geus paciweuh,

ᮘᮨᮔ᮪ᮎᮔ ᮓᮒᮀ ᮍᮩᮛᮩᮚᮩᮂ,

bencana datang ngeureuyeuh,

ᮔᮥ ᮙ'ᮞᮤᮃᮒ᮪ ᮘᮩᮊᮤ ᮙᮎᮩᮂ,

nu ma'siat beuki maceuh, 

ᮔᮥ ᮄᮘᮓᮂ ᮘᮩᮊᮤ ᮉᮝᮩᮂ. 

nu ibadah beuki euweuh. 


ᮃᮜᮙ᮪ ᮓᮥᮑ ᮘᮩᮊᮤ ᮊᮩᮉᮀ,

Alam dunya beuki keueung,

ᮜᮧᮘ ᮏᮜ᮪ᮙ ᮔᮥ ᮙᮜᮝᮩᮀ,

loba jalma nu malaweung,

ᮔᮥ ᮓᮧᮛᮊ ᮘᮩᮊᮤ ᮃᮔ᮪ᮒᮨᮀ,

nu doraka beuki anteng,

ᮊᮔ ᮄᮘᮓᮂ ᮒᮩ ᮙᮚᮨᮀ. 

kana ibadah teu mayeng. 

 

ᮓᮥᮑ ᮒᮦᮂ ᮌᮩᮞ᮪ ᮔᮤᮔᮤ-ᮔᮤᮔᮤ,

Dunya téh geus nini-nini,

ᮏᮜ᮪ᮙ ᮙ'ᮞᮤᮃᮒ᮪ ᮝᮛᮔᮤ,

jalma ma'siat warani,

ᮃᮔᮥ ᮙᮒᮊ᮪ ᮜᮧᮘ ᮜᮤᮔᮤ,

anu matak loba lini,

ᮃᮠᮤᮁᮔ ᮏᮓᮤ ᮒ᮪ᮞᮥᮔᮙᮤ.

ahirna jadi tsunami. 

 

ᮊᮥ ᮓᮥᮑ ᮜᮧᮘ ᮊᮘᮦᮀᮘᮒ᮪,

Ku dunya loba kabéngbat,

ᮙᮥᮔ᮪ ᮛᮧᮂ ᮊᮘᮥᮛᮥ ᮞᮊᮛᮒ᮪,

mun roh kaburu sakarat,

ᮙᮧᮃᮜ᮪ ᮓᮤᮒᮛᮤᮙ ᮒᮧᮘᮒ᮪,

moal ditarima tobat, 

ᮎᮤᮜᮊ ᮓᮥᮑ ᮃᮠᮦᮛᮒ᮪. 

cilaka dunya ahérat. 

 

ᮙᮞ᮪ᮏᮤᮓ᮪ ᮙᮂ ᮍᮏᮛᮛᮨᮕᮒ᮪, 

Masjid mah ngajararepat,

ᮏᮙ'ᮃᮂ ᮔ ᮅᮊᮥᮁ ᮊᮁᮕᮦᮒ᮪,

jama'ah na ukur karpét,

ᮍᮩᮞᮤ ᮊᮧᮒᮊ᮪ ᮃᮙᮜ᮪ ᮊᮧᮛᮦᮒ᮪,

ngeusi kotak amal korét,

ᮃᮠᮤᮁᮔ ᮠᮤᮛᮥᮕ᮪ ᮞᮙ᮪ᮕᮧᮛᮦᮒ᮪. 

ahirna hirup samporét. 

 

ᮓᮥᮑ ᮌᮩᮞ᮪ ᮒᮦᮛᮦᮂ ᮊᮤᮃᮙᮒ᮪

Dunya geus téréh kiamat,

ᮃᮝᮦᮝᮦ ᮍᮊᮥ ᮙᮥᮞ᮪ᮜᮤᮙᮒ᮪,

Awéwé ngaku muslimat, 

ᮒᮕᮤ ᮒᮛ ᮔᮥᮒᮥᮕ᮪ ᮇᮛᮒ᮪,

tapi tara nutup orat, 

ᮊᮓᮦ ᮊᮘᮥᮛᮥ ᮞᮊᮛᮒ᮪.

kadé kaburu sakarat. 

 

ᮓᮥᮑ ᮌᮩᮞ᮪ ᮒᮦᮛᮦᮂ ᮊᮤᮃᮙᮒ᮪,

dunya geus téréh kiamat,

ᮠᮚᮥ ᮌᮔ᮪ᮎᮀ ᮌᮩᮛ ᮒᮧᮘᮒ᮪,

hayu gancang geura tobat,

ᮌᮩᮛ ᮏᮅᮠᮔ᮪ ᮙ'ᮞᮤᮃᮒ᮪,

geura jauhan ma'siat,

ᮙᮦᮂ ᮘᮌ᮪ᮏ ᮓᮥᮑ ᮃᮠᮦᮛᮒ᮪. 

méh bagja dunya ahérat. 

 

(ᮓᮤᮎᮥᮒᮒ᮪ ᮒᮤᮔ ᮘᮥᮊᮥ ᮎᮒᮨᮒᮔ᮪ ᮕᮍᮏᮤᮃᮔ᮪ ᮕᮢᮤᮘᮓᮤ )

Dicutat tina buku catetan ngaji pribadi  

Related Posts:

  • Pupujian Sunda Hayu Batur Urang Ngabéla Agama           ᮠᮚᮥ ᮘᮒᮥᮁ ᮅᮛᮀ ᮍᮘᮦᮜ ᮃᮌᮙ (Hayu Batur Urang Ngabéla Agama)ᮠᮚᮥ ᮘᮒᮥᮁ ᮅᮛᮀ ᮍᮘᮦᮜ ᮃᮌᮙ,Hayu batur urang ngabéla Aga… Read More
  • Pupujian Sunda Hayu Geura Saradia ᮠᮚᮥ ᮌᮩᮛ ᮞᮛᮓᮤᮃ (hayu geura saradia)ᮠᮚᮥ ᮌᮩᮛ ᮞᮛᮓᮤᮃ,Hayu geura saradia,ᮙᮩᮀᮕᮩᮀ ᮊᮩᮁ ᮠᮤᮛᮥᮕ᮪ ᮓᮤ ᮓᮥᮑ,meungpeung keur hirup di dunya,ᮃᮙᮜ᮪ ᮊᮩᮁ ᮞᮙ᮪ᮕᮩᮛᮩ… Read More
  • Pupujian Sunda Sarat Nyiar Élmu ᮞᮛᮒ᮪ ᮑᮤᮃᮁ ᮆᮜ᮪ᮙᮥ (Sarat Nyiar Élmu)ᮠᮚᮥ ᮘᮒᮥᮁ – ᮠᮚᮥ ᮘᮒᮥᮁ ᮅᮛᮀ ᮞᮥᮠᮥᮓ᮪ ᮓᮤᮃᮜᮏᮁ,Hayu batur hayu batur urang suhud dialajar,ᮠᮚᮥ ᮘᮒᮥᮁ – ᮠᮚᮥ ᮘᮒᮥᮁ, ᮅᮛᮀ… Read More
  • Suksésna Kagiatan Literasi Aksara Sunda di Perpusdes Nanggeleng Kab.Bandung Barat Kagiatan Literasi Aksara Sunda gawé bareng jeung Perpustakaan Désa Nanggeléng, Kabupatén Bandung Barat parantos kalaksanakeun kalayan aya dina k… Read More
  • Pupujian Sunda Rundayan Kangjeng Nabi ᮛᮥᮔ᮪ᮓᮚᮔ᮪ ᮊᮀᮏᮨᮀ ᮔᮘᮤ (Rundayan Kangjeng Nabi)ᮝᮏᮤᮘ᮪ ᮊ ᮏᮜ᮪ᮙ ᮄᮞᮣᮙ᮪ᮔ,Wajib ka jalma islamna,ᮅᮔᮤᮍ ᮛᮥᮔ᮪ᮓᮚᮔᮔ,uninga rundayanana,ᮏᮩᮀ ᮔᮘᮤ ᮅᮒᮥᮞᮔ᮪ ᮃᮜᮣᮧᮂ… Read More

0 Comments:

Posting Komentar